Жамбыл облысы әкімдігі білім басқармасының оқу-әдістемелік кабинетінің жанынан құрылған мектеп директорларының ғылыми-әдістемелік жұмысы жөніндегі орынбасарларының «Шығармашылық зертханасы» тобы мүшелерінің  №2-отырысы 2021 жылдың 27 сәуірі күні  өтті. Аталмыш отырыс аясында  «Мектептегі ғылыми-әдістемелік жұмысты сапалы ұйымдастыру жолдары» атты тәжірибелік вебинар  өткізіліп, шараға  140-тан аса  мектеп директорларының ғылыми-әдістемелік ісі жөніндегі орынбасарлары  қатысты.

          Вебинарда  оқыту үрдісінде әдістемелік қызметті сапалы әрі жаңашылдықпен ұйымдастырудың  тиімді жолдары,  нәтижелі жұмыстар арқылы білім ұйымының дамуын қамтамасыз ету мәселелері бойынша тәжірибелік ақпараттар таратылды.

2021 жылдың 15-16 сәуір күндері  «Менің Отаныма - менің бастамам» атты  облыстық шығармашылық  жобалар байқауы өтті. Байқауға аудандар мен Тараз қалалық, облыстық білім басқармасына қарасты мекемелерінен 106 оқушы қатысты.

Дарынды балаларды анықтауға және қолдауға бағытталған, балалар мен жастардың бастамаларын дамытуға ықпал ету мақсатында өткізілген  шығармашылық жобалар байқауында оқушылар «Өз жылуыңмен бөліс», «Туған қалаға - игілікті істер», «Жаңғыру полюсі», « Қазақстанның жеті кереметі», «Менің кіші Отаным», «Киіз үй - ғаламның моделі»,  «Медиа жобалар», «Мен - Қазақстанның азаматымын», «Қазақстанның 100 жаңа есімі»  номинациялары бойынша жұмыстарын Zoom онлайн – платформасында  қорғады.

Облыстық шығармашылық жобалар байқауының жеңімпаздары 2021 жылдың 7-9 маусым аралығында Атырау қаласында өтетін республикалық форумға қатысатын болады.

Облыстық шығармашылық  жобалар байқауында жүлделі орын алған  оқушылар мен жетекшілерін құттықтаймыз!

«Ең үздік кітап оқитын мектеп»  атты облыстық байқау өтті

 Жамбыл облысы әкімдігі білім басқармасының оқу-әдістемелік кабинетінің ұйымдастыруымен «Ең  үздік  кітап  оқитын  мектеп»  атты   облыстық   байқау  2021  жылдың 27 сәуірінде ZOOM платформасында онлайн режимінде өткізілді. Байқаудың мақсаты – оқушылардың кітап оқуға қызығушылығын арттыру арқылы интеллектуалды қабілетін дамыту, кітап оқуды насихаттау.

   Байқау «Менің сүйікті кітабым», «Қара өлеңнің Құлагері» «Сөз маржанын терейік...», «Ізден, талаптан, оқырман!»   номинациялары бойынша өткізілді.

Байқауға  білім    беру   ұйымдарынан   11    мектеп қатысып,   7  мектеп жүлделі орындарды иеленді.

 Жамбыл  ауданындағы А.С.Макаренко атындағы орта мектебі-бас жүлдені,  Меркі   ауданының   №13 жалпы орта   білім   беретін   орта мектебі  І орынды,   Қордай ауданының №1 Д.Қонаев атындағы мектеп гимназиясы, Талас ауданының  Ш.Уалиханов атындағы орта мектебі ІІ орындарды,  Байзақ ауданының  Н.Киікбаев  атындағы мектеп-гимназиясы, Сарысу  ауданының     Қызылдихан   орта мектебі,   Шу  ауданының  М.Мақатаев атындағы  тірек орта мектебі   ІІІ орындарды иеленді. Байқауға қатысқан мекемелер облыстық білім басқармасының дипломдарымен, алғыс хаттарымен марапатталды.

«Ыбырай Алтынсарин және қазақ этнопедагогикасы: негізгі бағыттары мен даму перспективалары»  тақырыбындағы республикалық дөңгелек үстел өтті

2021 жылдың 26 сәуір күні облыстық оқу-әдістемелік кабинетінің ұйымдастыруымен көрнекті қоғам қайраткері, ағартушы-педагог Ы.Алтынсариннің 180 жылдық мерейтойына орай өткізілетін онкүндік аясында тарих пәнінің мұғалімдеріне арналған «Ыбырай Алтынсарин және қазақ этнопедагогикасы: негізгі бағыттары мен даму перспективалары» тақырыбында республикалық дөңгелек үстел өтті.

Іс-шараның мақсаты – педагогтарға көрнекті қоғам қайраткері,      ағартушы-педагог, жазушы, этнограф Ыбырай Алтынсариннің педагогика ғылымына қосқан үлесі мен еңбектерін насихаттау, тәжірибе алмасу.

Іс-шараға Қостанай облысы Ы.Алтынсарин мемориалдық музейінің ғылыми-ағартуды қамтамасыз ету секторының меңгерушісі А.Омарканова қатысып, Ы.Алтынсарин музейінің тарихы, музей жәдігерлері негізінде  ағартушы-педагогтың өмір жолы мен еңбектері жайлы педагогтарға виртуалды саяхат жүргізді. Сонымен қатар, дөңгелек үстел жұмысына А.Байтұрсынұлы атындағы Қостанай өңірлік университетінің «Қазақстан тарихы» кафедрасының доценті, т.ғ.к. С.Исмаилов, Қызылорда «Болашақ» университетінің «Филология, журналистика» кафедрасының доценті, ф.ғ.к. С.Тайманова, М.Х.Дулати атындағы Тараз өңірлік университетінің «Қазақ тілі мен әдебиеті» кафедрасының доценті, ф.ғ.к. Р.Саламатова қатысты.

Дөңгелек үстел барысында Ыбырай Алтынсариннің өмір жолы, педагогика ғылымына қосқан үлесі, қазақ халқы үшін сіңірген ерен еңбегі, қызметіне қатысты тың деректер, отандық ғалымдардың пайымдаулары туралы ақпарат беріліп, дидактикалық материалдар таратылды.

Іс-шараға аудандар мен Тараз қалалық білім бөлімдерінен                     11 әдіскер, 165 тарих пәнінің мұғалімі, барлығы 176 педагог қатысты.