Мектепке дейінгі ұйым педагогтері үшін  облыстық онлайн семинар өтті

Жамбыл облысы әкімдігі білім басқармасының оқу-әдістемелік кабинетінің  ұйымдастыруымен  2021 жылдың 29 сәуір күні мектепке дейінгі ұйым педагогтеріне арналған «Мектеп жасына дейінгі балаларға экологиялық тәрбие беруде заманауи әдіс-тәсілдерді қолдану» тақырыбында zoom бейнебайланыс режимінде облыстық онлайн семинар өтті.

Семинарда Тараз қаласы, №33 «Айсәуле» бөбекжай-бақшасының әдістемелік жұмыс жүйелері тыңдалды. Іс-шара барысында мектепке дейінгі ұйым қызметінде жобалау әдісін қолдану және экологиялық тәрбие беруде заманауи әдіс-тәсілдер жүйесін қолдану ерекшеліктері жайлы толық мағлұмат алып, электронды дидактикалық таратпалы материалдармен қамтамасыз етілді.

Аталған іс-шараға облыстың  147 педагогі қамтылды.

«Жасөспірімдер арасындағы суициалды мінез-құлықтың алдын алудың өзекті мәселелері» тақырыбында облыстық  вебинар өтті

          Жамбыл облысы әкімдігі білім басқармасының оқу-әдістемелік кабинетінің ұйымдастыруымен   2021 жылдың 28 сәуір күні білім беру ұйымдары директорының құқықтық тәрбие ісі жөніндегі орынбасарлары мен педагог-психологтарына арналған «Жасөспірімдер арасындағы суициалды мінез-құлықтың алдын алудың өзекті мәселелері» тақырыбында облыстық  вебинар өткізілді. Аталған іс-шараға барлығы 112 педагог қатысты.                                                                                             

         Іс-шара барысында жеткіншек жастағы оқушылардың аутодеструктивті мінез-құлық мәселелері және оның шешу жолдары мен алдын алу, түзету жұмыстарын тиімді ұйымдастыру бойынша   кеңестер беріп, тақырып аясында пікір алмасты.

       Жамбыл облысы әкімдігі білім басқармасының оқу-әдістемелік кабинетінің ұйымдастыруымен 2021 жылдың 28 сәуір күні педагог-психологтардың шығармашылық зертханасы жобасы аясында  «Мектептегі психологиялық қызметтің маңыздылығы және оны жетілдіру жолдары» тақырыбында шығармашылықпен жұмыс жасайтын үздік педагог-психологтарының озық іс-тәжірибесі таратылды. Аталған іс-шараға 107  педагог қатысты.                                                      

        Мектептегі психологиялық қызметті жетілдіру бағыттары бойынша  жүргізілетін жұмыстардың тиімді жолдарын қарастыру, озық  идеялы тәжірибені тарату, әдістемелік  көмек көрсету, өзара  тәжірибе  алмасу, жаңашыл бастамаларға қолдау көрсету мақсатында өткізілді.

           Іс-шара барысында ІV Республикалық «Жылдың үздік психологі 2015» байқауының жеңімпазы, Тараз қаласы, Б.Момышұлы атындағы №45 қазақ классикалық гимназияның педагог-психологі А.Тілеубай және ІІІ Республикалық «Жылдың үздік психологі 2014» байқауының  жеңімпазы, Т.Рысқұлов ауданы, №3 шағын орталықты орта мектебінің педагог-психологі Ғ.Салықбаев іс-тәжірибелерімен  бөлісті.                                                        

«Инклюзивті білім беру ерекшеліктері» тақырыбында облыстық  вебинар өтті

       Жамбыл облысы әкімдігі білім басқармасының оқу-әдістемелік кабинеті 2021  жылдың  29  сәуір  күні  ерекше білім алуға қажеттілігі бар оқушыларға сабақ беретін мұғалімдер  үшін  «Инклюзивті білім беру ерекшеліктері»

 тақырыбында облыстық  вебинар өткізді.

 «Zооm» бейнебайланыс режимінде өткен іс-шараға 100-ден аса  аудандық (қалалық) білім бөлімдерінің әдіскерлері, мектептің әлеуметтік педагогтері,  психологтары,  ерекше білім беруге қажеттілігі бар оқушыларға  сабақ беретін мұғалімдер қатысты. Іс-шара барысында           Тараз қаласы,                 № 49   Ы.Алтынсарин  атындағы  мектеп - гимназиясының  директордың  оқу-ісі жөніндегі орынбасары Р.Тоқабай инклюзивті білім беру маңызы, ерекшеліктеріне тоқталса, Тараз қаласы, № 6 орта мектебінің        директордың оқу- тәрбие ісі жөніндегі  орынбасары  Е.Мерцалова ақпараттық ресурстарды пайдалана отырып жұмысты үйлестіру әдістерін көрсетті. Кездесу барысында педагогтер    ерекше білім беруге қажеттілігі бар оқушылармен жүргізілетін жұмыс түрлері мен белсенді әдіс-тәсілдерді тәжірибеге енгізу жолдары бойынша тәжірибе алмасты. Электронды материалдар таратылып, ақпараттық-әдістемелік көмек берілді.