Оқу-ағарту министрлігінің қолдауымен Ы. Алтынсарин атындағы Ұлттық білім академиясы «Үздіктен үйрен» жобасын жүзеге асырып, «Үздік педагог» байқауының жеңімпаздарының озық педагогикалық тәжірибесін көпшілікке танытуда.
2023 жылдың 3 сәуір күні Жамбыл облысы әкімдігінің білім басқармасының оқу-әдістемелік кабинетінің басшысы Ш.Усерованың қатысуымен жас педагогтердің кәсіби қызметін қолдап, тәжірибелі мұғалімдердің біліктілігін арттыруға ықпал ету мақсатында облыстық дарынды балаларға арналған мамандандырылған «Дарын» лицей-интернатының директоры және үздік педагогтерімен кездесу өтті. Бұл мектеп- үздік ұстаздар ұстаханасы. Себебі, мектептің 6 бірдей ұстазы - «Үздік педагог» атағының иегерлері. Олар: М.Талқанбаев, Б.Дүйсенбаев, Н.Қиялбеков, С.Айдарбекова, Ж.Досыбаев, Н.Давлетбаев.
Ұстаздың басты міндеті – сапалы білім беру. Осы жолда қалтқысыз еңбек етіп, шығармашылық ізденісте жүрген мұғалімдер жеңістерге жол бастайды. Жиын барысында педагогтермен «1+10» тәлімгерлік жобасы, «SABAKTIME» жобасын жүзеге асыру жолдары, үздіктердің мақсат-міндеттері мен алға қойған жоспарлары талқыланды.

ШУ АУДАНЫНДА ОБЛЫСТЫҚ ӘДІСТЕМЕЛІК ДЕСАНТ ӨТТІ

2023 жылдың 29 наурызында Жамбыл облысы әкімдігі білім басқармасының оқу-әдістемелік кабинетінің ұйымдастыруымен Шу ауданы білім беру ұйымдарының мектеп директорлары мен директордың оқу-ісі жөніндегі және ғылыми-әдістемелік жұмыстары жөніндегі орынбараларына, аудандық білім бөлімінің әдіскерлеріне «Білім беру сапасын қамтамасыз етудің әдіснамалық негіздері» атты облыстық әдістемелік десант өтті.
Іс-шараға мектеп әкімшілігі мен педагогтері, аудандық білім бөлімінің әдіскерлері, барлығы 200 адам қатысты.
Әдістемелік десант барысында облыстық оқу-әдістемелік кабинетінің әдіскерлері «Білім беру ұйымдарында білім алушылардың білім жетістіктерін мониторингілеу (ББЖМ-2022) нәтижелері, мемлекеттік аттестаттаудан өту жұмыстарын жүйелі ұйымдастыру, білім сапасын қамтамасыз етудегі мектепішілік бақылау, білім алушылардың білім жетістіктеріне мониторинг жүргізу қағидалары, оқу-тәрбие жұмыстарын ұйымдастыру бағыттары, мектепке дейінгі ұйымдарда әдістемелік жұмыстарды тиімді ұйымдастыру жолдары, білім сапасына әсер ететін тиімді әдіс-тәсілдер бойынша тиімді ақпараттық-әдістемелік көмектер берді.
Қатысушыларға қажетті материалдардың электронды нұсқалары таратылды.

Қордай ауданының қазақ тілі мен әдебиеті пәнінен сабақ беретін педгогтерге «Қазақ тілі мен әдебиеті пәнін меңгертуде білім беру сапасын қамтамасыз етудің әдіснамалық негіздері» атты облыстық әдістемелік семинар өтті.

Жамбыл облысы әкімдігінің білім басқармасының ұйымдастыруымен 2023 жылдың 28-29 наурыз күні Қордай ауданының қазақ тілі мен әдебиеті пәнінің мұғалімдеріне «Қазақ тілі», «Қазақ әдебиеті» және «Қазақ тілі мен әдебиеті» пәндерін оқытудың өзекті мәселелерін шешуге және білім сапасын арттырудың ұтымды жолдарын айқындауға жұмылдыру, педагогтерге әдістемелік көмек көрсету мақсатында «Қазақ тілі мен әдебиеті пәнін меңгертуде білім беру сапасын қамтамасыз етудің әдіснамалық негіздері» атты облыстық әдістемелік семинар өтті.
Іс-шара барысында «Оқу сауаттылығы тапсырмаларының құрылымы мен ерекшеліктері» тақырыбының аясында мәтінді оқу және ақпаратты өңдеу дағдыларын күшейту жолдары меңгертілді.
«Қазақ тілі мен әдебиеті пәнін оқытуда инклюзивті білім берудің алғышарттары» тақырыбы аясында инклюзивті білім беруді дамытудағы нормативтік-құқықтық актілер және педагогикалық-психологиялық қолдау ортасын құру бойынша ұсынымдар айтылды.
Бөлім бойынша жиынтық бағалау, тоқсандық жиынтық бағалау тапсырмаларын әзірлеудің тиімді жолдары талқыланды, жас мамандармен жұмыс түрлері, педагогтердің біліктілік талаптарына сәйкестігі мен білім алушылардың дайындық деңгейіне қойылатын талаптар таныстырылды.
Сонымен қатар қорытынды аттестаттауға дайындаудағы эссе жазудың тиімді әдіс-тәсілдері мен бағыттары талданды. Жазба жұмыс түрлерінің (эссе, мақала, әңгілмелеу) ерекшеліктері мен ұқсастығы туралы түсінік беру жұмыстарын жүргізді.
Педагогтерге әдістемелік көмек көрсету мақсатында өткен облыстық семинарға 246 педагог қамтылды.

«Үздіксіз даму шеберханасының» ашылу салтанаты өтті

2023 жылдың 29 наурыз күні Жамбыл облысы әкімдігі білім басқармасының оқу-әдістемелік кабинетінің ұйымдастыруымен ҚР Оқу-ағарту министрлігінің «Үздік педагог» конкурсы жеңімпаздарының тәжірибесін тарату жұмыстарын жандандыру тапсырмасы және Ы.Алтынсарин атындағы ҰБА-ның «Үздіктен үйрен» жобасының аясында Жамбыл ауданы, Б.Бесбаев атындағы мектеп-гимназиясының орыс тілі мен әдебиеті пәнінің мұғалімі, «Үздік педагог», «Қазақстанның еңбек сіңірген ұстазы» құрметті атақтарының иегері Қалмаханова Айгүл Базарбайқызының «Үздіксіз даму шеберханасының» ашылу салтанаты өтті.
Іс-шараның мақсаты – үздік педагогтердің кәсіби дамуына бағытталған үздік тәжірибелерін тарату, пәндерді оқытудың өзекті мәселелерін шешуге және білім сапасын арттырудың ұтымды жолдарын айқындауға жұмылдыру.
Іс-шараға Ы.Алтынсарин атындағы Ұлттық білім академиясының «Әдістемелік қызметті үйлестіру және педагогті кәсіби дамыту орталығының» директоры Е.Ә.Жұмашев, облыстық білім басқармасы басшысының орынбасары А.О.Досыбаева, Жамбыл облысының білім саласында сапаны қамтамасыз ету департаментінің басшысы Д.Ш.Ускумбаева, «Өрлеу» БАҰО-ның директоры С.С.Құрманбекова, «Қазақстандық салалық білім және ғылым қызметкерлері кәсіподағының Жамбыл облыстық ұйымы» қоғамдық бірлестігінің біріккен комитеті филиалының төрағасы Ж.Т.Орынбеков қатысты.
Айгүл Базарбайқызы - «Қорытынды емтиханға қалай дайындалу керек?», «4-сынып оқушыларының оқу құзіреттілігін дамыту», «5-10 сыныптарға арналған «Орыс тілі мен әдебиеті пәні бойынша жиынтық бағалауға арналған тапсырмалар жинағы», «Бастауыш сыныптарға арналған «Орыс тілі» пәнінен жиынтық бағалауға арналған тапсырмалар жинағы», «Ұлттық құндылықтар – тәрбиенің түп қазығы», «Орыс тілі сабағында сөйлеу дағдыларын қалай жақсартуға болады?» атты әдістемелік ұсынымдардың, «Көмекші сабақтар» авторлық бағдарламасының, «Оқу сауаттылығын дамыту бойынша практикум» оқу-әдістемелік кешенінің, «Орыс тілі мен әдебиеті» пәні бойынша жиынтық бағалауға арналған тапсырмаларды құрастыру ерекшеліктері (жалпы білім беретін мектептің 9 сыныбы үшін) әдістемелік құралдарының авторы.