Халықаралық зерттеулер

ОБЛЫСТЫҚ СЕМИНАР ӨТТІ

Жамбыл облысы әкімдігінің білім басқармасының оқу-әдістемелік орталығы мен Педагогикалық шеберлік орталығының Тараз қаласындағы филиалымен бірлесіп, 2024 жылдың 15 наурыз күні «Сабақты зерттеу-оқыту мен оқу үдерісін дамытудың тиімді жолы» тақырыбында облыстық семинар өткізді.
Іс-шараға мектеп оқушылары, директордың ғылыми-әдістемелік жұмыстары жөніндегі орынбасарлары мен педагогтер, барлығы 200 адам қатысты.
Семинардың пленарлық сессиясында Педагогикалық шеберлік орталығының Тараз қаласындағы филиалының қызметкерлері мен Меркі аудандық білім бөлімі, М.Әуезов атындағы мектеп-лицейінің директоры Н.Қойшыманова, №39 Т.Қожакеев атындағы мектеп –гимназиясының директордың орынбасары В.Қырғызбаева, А.Асқаров атындағы мектеп–гимназиясының директорының орынбасары А.Адильбекова сабақты зерттеу тәсілі, мұғалімдердің зерттеушілік әрекетін ұйымдастыру, сабақты зерттеу-оқу мен оқытуды жақсарту векторы, «Lesson Study» зерттеуін жүргізу-білім сапасын арттыру бойынша баяндама оқыды.
Семинардың тәжірибелік бөлімінде аталған мектептердің мұғалімдері Ж.Тұрсыналиева, Ж.Ибрагимова, Р.Құлмаханбетова панорамалық сабақтар топтамасын көрсетіп, оқушылардың қызығушылығын белсенді оқыту әдістерін қолдану, оқылым дағдыларын графикалық органайзерлер арқылы арттыру, сабақты зерттеуді енгізу аясында тәжірибе алмасты.

«Аралық аттестаттаудың негізгі талаптары мен тапсырма құрастыру жолдары» тақырыбында қазақ тілі мен әдебиеті пәні мұғалімдеріне облыстық семинар өтті

Жамбыл облысы әкімдігінің білім басқармасының оқу-әдістемелік орталығының ұйымдастыруымен 2024 жылдың 15 наурызында білім алушылардың «Қазақ тілі», «Қазақ тілі мен әдебиеті» пәндері бойынша оқу бағдарламасының көлемін меңгеру деңгейін негізгі орта білім берудің мемлекеттік жалпыға міндетті білім беру стандарты талаптарын меңгерту бойынша 5-8, 10 сыныптарда өтетін аралық аттестаттау ерекшеліктерін меңгерту мақсатында «Аралық аттестаттаудың негізгі талаптары мен тапсырма құрастыру жолдары» тақырыбында қазақ тілі мен әдебиеті пәні мұғалімдеріне облыстық семинар өтті.
Іс-шара барысында аралық аттестаттаудың мақсаты мен міндеттері мен емтиханды өткізу талабына тоқталды.
Емтихан тапсырмаларын орындау қадамдарын түсіндіріп, мәтінге қойылатын талаптарды баяндады. Педагогтер оқу мақсаттарына сай емтихан тапсырмаларын құрастырып, бағалау критерийлерін талдады.
Облыстық семинарға 58 қазақ тілі мен әдебиеті пәнінің мұғалімдері қатысты.

Эффективные методы подготовки учащихся к МОДО» тақырыбында облыстық семинар өтті

2024 жылдың 13 наурыз күні облыстық оқу-әдістемелік орталығының ұйымдастыруымен аудандар мен Тараз қаласының орыс тілі мен әдебиеті пәнінің мұғалімдерінің және «1000 мектеп» жобасына енген мектептердің пән мұғалімдеріне арналған «Эффективные методы подготовки учащихся к МОДО» тақырыбында облыстық семинар өтті.
Семинар барысында орыс тілі мен әдебиеті пәнінің мұғалімдеріне білім алушылардың білім жетістіктерін мониторингілеу алдында жүргізілетін жұмыс түрлері, өткізілу тәсілі мен ұзақтығы, тестілеу бағыттары, тапсырмалар сипаттамасы мен қиындық деңгейлері, тестілеуді ұйымдастыру мен өткізу жоспары туралы ақпарат берілді.
Іс-шараға аудандық білім бөлімдерінің әдіскерлері, орыс тілі мен әдебиеті пәнінің мұғалімдері, барлығы 130 педагог қатысты.

«Аралық аттестаттау мен қорытынды аттестаттаудың негізгі талаптары мен тапсырма құрастыру жолдары», «Авторлық бағдарлама жазуға қойылатын талаптар мен негізгі принциптер» тақырыптарында қазақ тілі мен әдебиеті пәні мұғалімдеріне облыстық семинар өтті

Жамбыл облысы әкімдігінің білім басқармасының оқу-әдістемелік орталығының ұйымдастыруымен 2024 жылдың 14 наурызында Абай атындағы дарынды балаларға арналған қазақ тілі мен әдебиетін тереңдете оқытатын мектеп-гимназиясының қазақ тілі мен әдебиеті пәнінің мұғалімдеріне «Аралық аттестаттау мен қорытынды аттестаттаудың негізгі талаптары мен тапсырма құрастыру жолдары», «Авторлық бағдарлама жазуға қойылатын талаптар мен негізгі принциптер» атты облыстық семинар өтті.
Білім алушылардың «Қазақ тілі» пәндері бойынша оқу бағдарламасының көлемін меңгеру деңгейін негізгі орта білім берудің мемлекеттік жалпыға міндетті білім беру стандарты талаптарын меңгерту бойынша 5-8, 10 сыныптарда өтетін аралық аттестаттау ерекшеліктерін, 9-сыныптарға арналған қорытынды аттестаттау ерекшеліктері мен тапсырма құрастыру талаптарын, авторлық бағдарлама жазудың негізгі принциптерін меңгерту мақсатында өткен іс-шара барысында нақты ұсыныстар беріліп, кері байланыс алынды.
Төрт дағдыға негізделген (тыңдалым, айтылым, оқылым, жазылым) тапсырма түрлері көрсетіліп, әрбір дағдыға сәйкес нақты оқу мақсаттары талданды.
Облыстық семинарға 25 қазақ тілі мен әдебиеті пәнінің мұғалімдері қатысты.

ETANDAU.GOV.KZ автоматтандырылған жүйесін түсіндіру бойынша семинар өтті

🔹Жамбыл облысы әкімдігі білім басқармасының ұйымдастыруымен "Мемлекеттік білім беру ұйымдары педагогтерінің оқулықтары мен ОӘК таңдау" Электрондық платформасы бойынша семинар өтті. Іс-шараны басқарманың бас маманы Бектаева Шынар Сералықызы өткізді.

✅Семинарға білім бөлімдерінің жауапты мамандары қатысты.

📌Семинар барысында электрондық платформасын пайдалану бойынша мектеп директорлары, әдістемелік бірлестік басшылары, мұғалімдер және кітапханашылар үшін жадынамалар таратылды. Сондай-ақ, мамандарға аталған жүйені қолдану толық түсіндірілді. Мамандар тарапынан қойылған сауалдарға жауап беріліп, пікір алмасты.