«Тарих пәнін оқыту ерекшеліктері», «Тарих пәнінен бағалауға арналған  тапсырмаларды әзірлеу» тақырыптарында облыстық вебинар өтті

2021 жылдың  2 ақпан күні облыстық оқу-әдістемелік кабинетінің ұйымдастыруымен аудандар мен Тараз қалалық білім бөлімдерінің әдіскерлері мен тарих пәнінің мұғалімдеріне арналған «Тарих пәнін оқыту ерекшеліктері», «Тарих пәнінен бағалауға арналған  тапсырмаларды әзірлеу» тақырыптарында Байзақ (Н.Ақшабаев атындағы о/м), Жамбыл                 (№1 о/м), Жуалы (№19, №29 о/м), Қордай (№27, №43 о/м), Т.Рысқұлов (Ақтоған, Ә.Бөкейханов атындағы о/м), Сарысу (Абылай хан, Б.Адамбаев  атындағы о/м), Талас (А.Пушкин атындағы о/м) аудандарының және  Тараз қаласының (№3, №25, №47 о/м) 14 мектебіне облыстық вебинар өтті.

Іс-шараның мақсаты – тарих пәні мұғалімдерінің кәсіби құзіреттіліктерін арттыру, әдістемелік көмек көрсету.

Вебинар барысында педагогтарға тарих пәнін оқытудың ерекшеліктері, әдістемелік бірлестік жұмысы, тәлімгерлік, жас мамандармен жұмыс жүргізу бағыттары, бағалау қағидаттары, білім алушылардың оқу жетістіктерін бағалау критерийлерін таңдау және әзірлеуге қойылатын талаптар, БЖБ, ТЖБ тапсырмаларын әзірлеу бойынша әдістемелік ұсынымдар беріліп, дидактикалық материалдар таратылды.

Іс-шараға аудандар мен Тараз қаласы мектептерінен 57  педагог қатысты.

ОБЛЫСТЫҚ ВЕБИНАР ӨТТІ

2021 жылдың 1 ақпанында  Жамбыл облысы әкімдігі білім басқармасының оқу-әдістемелік кабинеті  білім саласында  сапаны қамтамасыз ету департаментінің ағымдағы жылдың                                           І жартыжылдығында  жоспарланған профилактикалық бақылауынан өтетін жалпы білім беретін мектептердің  (облыс бойынша 14 мектеп) мектеп директорлары мен директорлардың оқу ісі жөніндегі орынбасарларына ақпараттық-әдістемелік көмек көрсету мақсатында «Білім мекемесінде басшылыққа алынатын нормативтік құжаттары және оның қолдану аясы»» атты облыстық вебинар өтті. Вебинарға    14 мектептің әкімшілігі, жалпы 56 адам қатысты.

          Вебинар барысында білім  мекемелерінде оқу процесін ұйымдастыру барысында басшылыққа алынатын нормативтік құжаттардан басқа білім беру ұйымдарының қызметін қамтамасыз ететін құжаттарының талапқа сәйкес толтырылуы, Ұлттық білім беру деректер қорының статистикалық деректерінің білім беру ұйымы деректеріне сәйкес толтырылуы, педагогтердің лауазымдық міндеттерін және педагогикалық этика нормаларының талаптары, білім алушылар контингенті бойынша білім беру ұйымдары бұйрықтарының бөлінісінде білім алушылардың сандық құрамын растау бойынша жүргізілетін алфавиттік кітаптың жүргізілуі, үлгілік оқу жоспарының инвариантты компонентінің орындалуын растайтын жоспарларының, сынып журналдарының жүргізілуі бойынша сондай-ақ, коронавирустық инфекцияның таралуына жол бермеуге байланысты  шектеу шаралары кезеңінде орта білім беру ұйымдарында оқу процесін ұйымдастыру бойынша әдістемелік ұсынымдарға үшінші және төртінші тоқсандардағы БЖБ және ТЖБ саны бойынша ақпараттық-әдістемелік түсіндіру жұмыстары жүргізілді.

«Қысқы мектеп» жобасы аясында информатика пәнінің мұғалімдеріне онлайн режимінде семинар өтті

          2021 жылдың  1 ақпан күні облыстық оқу-әдістемелік кабинетінің ұйымдастыруымен ZOOM платформасында облыстық дарынды балаларға арналған мамандандырылған «Дарын» мектеп-интернатының  тәжірбиелі  мұғалімдері «Tinker CAD платформасы арқылы мектептегі робототехника және 3d модельдеу курстарын қашықтықтан оқыту», «Бөлім бойынша жиынтық тапсырмаларын  әзірлеу» тақырыбында информатика  пәнінің мұғалімдеріне арналған онлайн  режимінде вебинар өтті.

Аталған іс-шараға облыстың 226 информатика пәнінің мұғалімдері қатысты.                                                       

«Қазақстан Республикасы Тәуелсіздігіне 30 жыл: тарих, деректер, зерттеулер» тақырыбында облыстық конференция өтті

2021 жылдың 29 қаңтар күні Қазақстан Республикасы Тәуелсіздігінің  30 жылдығына орай облыстық оқу-әдістемелік кабинетінің ұйымдастыруымен аудандар мен Тараз қалалық білім бөлімдерінің әдіскерлері, тарих, қазақ тілі мен әдебиеті пәнінің мұғалімдеріне арналған «Қазақстан Республикасы Тәуелсіздігіне 30 жыл: тарих, деректер, зерттеулер» тақырыбында облыстық конференция өтті.

Іс-шараның мақсаты – Қазақстан Республикасының Тәуелсіздігі аясында мемлекетіміздің 30 жылғы тарихы мен жасампаз  жетістіктерін насихаттау.               

Іс-шараға М.Х.Дулати атындағы Тараз өңірлік университетінің «Қазақстан тарихы» кафедрасының ғалымдары қатысты.

Облыстық конференция барысында педагогтарға Тәуелсіз Қазақстанның егемендік жолындағы қол жеткізген табыстары, өскелең ұрпақтың санасында жаңа қазақстандық патриотизмді қалыптастыру, ғалымдардың зерттеулері мен пайымдары туралы ақпарат беріліп, дидактикалық материалдар таратылды.

Іс-шараға аудандар мен Тараз қалалық білім бөлімдерінен 11 әдіскер, 189 тарих, қазақ тілі мен әдебиеті пәнінің мұғалімдері, барлығы 200 педагог қатысты.