«Әжем, анам және мен» атты облыстық байқауы өтті

Ағымдағы жылдың 27 ақпан күні ҚР ОҒМ «Балаларды ерте дамыту институты» республикалық мемлекеттік мекемесінің жылдық жоспарына сәйкес мектепке дейінгі ұйымдар арасында «Әжем, анам және мен» атты республикалық байқаудың облыстық кезеңі өтті.
Іс шараның мақсаты – мектепке дейінгі ұйымдарда «Аналар мектебі», «Әжелер мектебін» ұйымдастыру және қызметін кеңейту бойынша озат тәжірибені жинақтау және тарату.
Республикалық кезеңге Тараз қаласының №9 және №31 «Балапан» бөбекжай-бақшаларының жұмыстары ұсынылды.

МЕКТЕПАЛДЫ СЫНЫП ПЕДАГОГТЕРІНЕ АРНАЛҒАН ШЕБЕР СЫНЫП ӨТТІ

Жамбыл облысы әкімдігі білім басқармасының оқу-әдістемелік орталығының ұйымдастыруымен 2024 жылдың 29 ақпан күні мектепалды сынып педагогтеріне арналған «Заттық-кеңістіктік дамытушы білім беру ортасы-тұлғаны қалыптастыру кепілі» тақырыбында облыстық шебер сынып өтті.
Аталған іс-шараға аудандық (қалалық) білім бөлімдерінің әдіскерлері және мектепалды сынып педагогтері, барлығы 100 педагог қатысты.
Іс-шара барысында балалардың танымдық және зияткерлік дағдыларының ерекшеліктері туралы және ойынның бала өміріндегі маңыздылығы жайлы толық мағлұмат алып, 1 наурыз - Алғыс айту күні, 8 наурыз – Халықаралық әйелдер күні және 22 Наурыз мейрамдарын атап өту үшін әдістемелік ұсынымдар таныстырлып, электронды дидактикалық таратпалы материалдармен қамтамасыз етілді.

Жамбыл облысы әкімдігі білім басқармасының оқу-әдістемелік орталығының ұйымдастыруымен 2024 жылдың 28 ақпан күні аудандар мен Тараз қалалық білім бөлімдерінің әдіскерлері мен ағылшын тілі пәнінің мұғалімдеріне әдістемелік көмек көрсету мақсатында «Ағылшын тілі сабақтарында оқыту мен оқудағы жаңа әдіс-тәсілдерді тиімді пайдалану жолдары» атты ашық сабақтар циклы өтті.
Іс-шара барысында тәжірибелі педагогтер ағылшын тілі пәні бойынша пәндік құзыреттіліктеді арттыру, кәсіби шеберліктерді жетілдіру негізінде тиімді әдістер мен жаттығуларды пайдалану, жаңа технологияларды қолдану жолдарын таныстырды. Күрделі тақырыптар бойынша тапсырмалар, логикалық сұрақтар құру жолдарын ұсынды.
Облыстық семинар-практикумға 47 педагог қатысты.

Облыстық тәжірибелік семинар өтті

2024 жылдың 28 ақпан күні Жамбыл облысы әкімдігі білім басқармасының оқу-әдістемелік орталығының ұйымдастыруымен инклюзивтілік принципін негізге ала отырып, жалпы білім беруді дамыту, педагогтерді ақпараттық-әдістемелік тұрғыдан қолдау мақсатында «Жаңа мүмкіндіктер мектебі» жобасы аясында «Педагог-ассистенттердің кәсіби қызметін кешенді тәсіл арқылы ұйымдастыру» тақырыбында №32 орта мектебінің базасында облыстық тәжірибелік семинар өтті. Аталған іс-шараға 53 педагог-ассистент қатысты.
Іс-шарада жалпы білім беретін мектептерде ерекше білім беру қажеттіліктері бар балалардың табысты әлеуметтенуі мен оқуы үшін педагог-ассистенттің жұмысын жүйелі ұйымдастыру, білім алушылардың ерекше білім алу қажеттіліктерін бағалау, олардың мүмкіндіктеріне сәйкес оқу жағдайларын жасау, инновациялық және арнайы педагогикалық технологияларды пайдаланудың тиімділігі айтылды. Тәжірибелік семинар барысында педагогтер «Сравнение числовых выражений», «A brochure about your town» тақырыптарында ашық сабақтар, «Визуальды қабылдау, «Қимылды қайталау, «Рецептивная речь» тақырыптарында педагог-ассистенттер жеке түзету сабақтарын көрсетіп, іс-тәжірибелерімен бөлісті. Сонымен қатар сабақтан тыс уақытта мектепішілік вокалды студияда жұмыс жасайтын ерекше білім беруді қажет ететін балалар өз өнерлерін көрсетті. Жалпы білім берудің инклюзивтілігі идеяларын жүзеге асыра отырып, педагог-ассистенттерге ақпараттық-әдістемелік көмек көрсетілді.