«Инклюзивті білім беру мазмұны: тәжірибе мен перспективалары» тақырыбында облыстық  вебинар өтті

       Жамбыл облысы әкімдігі білім басқармасының оқу-әдістемелік кабинеті 2021  жылдың  11 мамыр  күні  ерекше білім алуға қажеттілігі бар оқушыларға сабақ беретін мұғалімдер  үшін  «Инклюзивті білім беру мазмұны: тәжірибе мен перспективалары» тақырыбында облыстық  вебинар өткізді.

 «Zооm» бейнебайланыс режимінде өткен іс-шараға 100-ге жуық   аудандық (қалалық) білім бөлімдерінің әдіскерлері, мектептің әлеуметтік педагогтері,  психологтары,  ерекше білім беруге   қажеттілігі бар оқушыларға  сабақ беретін мұғалімдер қатысты. Іс-шара барысында           БАҰО "Өрлеу" АҚ Жамбыл облысы бойынша филиалының "Әдіснама және педагогикалық инновация" кафедрасының аға оқытушысы, әлеуметтану ғылымының кандидаты А.Абилова   «Инклюзивті білім: эволюциясы және болашағы»  тақырыбы аясында ҚР-да білім беруді дамытудың  2011-2020  жылға  арналған  мемлекеттік  білім  бағдарламасында  инклюзивті білімді жүзеге асырудың мақсаттары мен міндеттері туралы,  И.Шыныбаева  Жамбыл ауданы, Б.Момышұлы атындағы мектеп-гимназиясының тарих пәні мұғалімі  жаңартылған білім беру бағдарламасы аясында қалыптастырушы бағалау тапсырмалары мен  БЖБ, ТЖБ өткізу тәртіптері бойынша тәжірибе алмасты. Электронды материалдар таратылып, ақпараттық-әдістемелік көмек берілді.

«Әулиеатадағы Ұлы Жеңіс: батыр жерлестеріміздің ерлігі   мен айбыны» тақырыбында облыстық дөңгелек үстел өтті

2021 жылдың 6 мамыр күні облыстық оқу-әдістемелік кабинетінің ұйымдастыруымен Ұлы Жеңістің 76 жылдығына орай аудандар мен Тараз қалалық білім бөлімдерінің әдіскерлері, тарих пәні мұғалімдеріне арналған «Әулиеатадағы Ұлы Жеңіс: батыр жерлестеріміздің ерлігі мен айбыны»  тақырыбында облыстық дөңгелек үстел өтті.

Іс-шараның мақсаты – Ұлы Жеңісті жақындатқан қазақстандық және өлке жауынгерлерінің ерлігі мен қайсарлығын насихаттау, тәжірибе алмасу.

Іс-шарада М.Х.Дулати атындағы Тараз қаласы «Ерлік» мемориалдық кешеніндегі «Даңқ» залының ғылыми қызметкері Қ.Демешев «Ұлы Отан соғысы жылдарында қазақтан шыққан батырлар» тақырыбында экскурсия жасап, жәдігерлер негізінде батырлар өміріне қатысты деректермен бөлісті.  Облыстың ардагер ұстазы, өлкетанушы Б.Әлиев «Жамбыл облысы Ұлы Отан соғысы жылдарында» тақырыбында, М.Х.Дулати атындағы Тараз өңірлік университетінің «Қазақстан тарихы» кафедрасының аға оқытушысы Р.Тобаджанов «Ақәділ Суханбаевтың ерлігі және оның қазіргі таңда насихатталуы» тақырыптарында баяндамалар жасаса, Меркі ауданы №44 орта мектебінің тарих пәнінің мұғалімі Л.Киер «Воспитание патриотизма учащихся на примерах подвигов героев Великой Отечественной  войны» тақырыбында өзінің іс-тәжірибесімен бөлісті. 

Дөңгелек үстел барысында қазақстандықтардың Ұлы Жеңіске қосқан үлесі, есімдері тарих беттеріне жазылған даңқты батырларымыз туралы ғалымдардың пайымдары, дереккөздер, тың деректер айтылды. 

Іс-шараға аудандар мен Тараз қалалық білім бөлімдерінен 11 әдіскер,            160 тарих пәнінің мұғалімі, барлығы 171 педагог қатысты.

Білім беру ұйымдарында «Ұранды ердің - ұрпағы қайсар», «Отан - рухы биік, асқақ ұғым!»  тақырыптарында тәрбие сағаттары  өтті

 2021 жылдың 5 мамыр күні Ұлы Отан соғысындағы            Жеңістің   76  жылдығына орай  білім беру мекемелерінде 5-11 сынып оқушылары арасында «Ұранды ердің - ұрпағы қайсар», «Отан - рухы биік, асқақ ұғым!» тақырыптарында  тәрбие  сағаттары өткізілді. 

Тәрбие сағаттары – Оқушыларды  патриотизмге, Отанды қорғауға,  батыр ержүрек болуға үйрету, елін, жерін жаудан қорғай білуге  және қазіргі таңдағы арамызда жүрген ардагерлеріміздің  ерліктерін үлгі ете отырып, оларды құрметтеуге  тәрбиелеу мақсатында өткізілді. 

Жамбыл облысы әкімдігі білім басқармасының оқу-әдістемелік кабинетінің ұйымдастыруымен 2021 жылдың 6 мамыры күні халық жазушысы, ақын, тілтанушы, саясаткер Олжас Сүлейменовтің 85 жылдық мерейтойына орай,  өмір жолын, шығармаларын насихаттау, еңбектерін зерттеу мақсатында «Ғасырдың ғаламат ақыны  Олжас Сүлейменовтің  шығармашылық мұрасының маңызы» тақырыбындағы қазақ тілі мен әдебиеті пәнінің мұғалімдеріне арналған облыстық онлайн полилог алаңын өтті.

Іс-шараға М.Х.Дулати атындағы Тараз өңірлік университетінің «Филология және журналистика» кафедрасының профессоры Құламанова Зиба Абдуллақызы, филология ғылымдарының кандидаты, доцент Нусипова Асима Женисбекқызы қатысып, Олжас Сүлейменовтің шығармаларындағы ұлттық рух, дүниетанымдық мәселесі, ақынның шығармаларына көрініс тапқан адамгершілік құндылықтар туралы,  ақынның өзіндік шеберлігі мен ерекшелігін ашып көрсетті.   

Облысымыздың тәжірибелі ұстаздары Олжас Сүлейменовтің еңбектері арқылы оқушыларға патриоттық тәрбие берудің негіздерін атап көрсетіп, ақын поэмалары мен өлеңдеріндегі қанатты, бейнелі сөздерін кеңінен насихатталды.

Полилог алаңына аудандар мен Тараз қалалық білім бөлімдерінен 186 педагог қатысты.