«Рухани-адамгершіліктің мөлдір бұлағы» атты облыстық сырттай фестиваль өтті

 Жамбыл облысы әкімдігі білім басқармасының оқу-әдістемелік кабинетінің ұйымдастыруымен 2021 жылдың 10-11 ақпан күндері «Өзін-өзі тану» пәнінің он күндіктері аясында Назарбаева Сара Алпысқызының 80 жасына орай «Рухани-адамгершіліктің мөлдір бұлағы» атты сырттай облыстық фестиваль өтті.

Оқушылардың рухани-адамгершілік, ізгілік қасиеттерін қалыптастыру және адамзаттың әлеуметтік-мәдени тәжірибесін игеруі мақсатында өткізілген іс-шараға облыстан 112 оқушы қатысып, үш бағытта өз өнерлерін көрсетті. Фестиваль барысында әлеуметтік іс-әрекеттің көп қырлы түрлерінде тұлғаның шығармашылық мүмкіндіктері ашылып, оқушылар өз шығармашылықтарын сан қырлы жақтарынан көрсетті.

Фестивальдің түрлі бағыттары бойынша (мәнерлеп оқу, көркемөнер, эссе) үздік деп танылған оқушылар дипломдармен және алғысхаттармен марапатталды.

«Қашықтан оқыту кезінде ата-аналармен  жұмыс  жасаудың  тиімді әдістері»  тақырыбында облыстық вебинар өтті

       2021 жылдың 12 ақпан күні Жамбыл облысы әкімдігі білім басқармасының оқу-әдістемелік кабинеті Тараз қаласындағы физика-математикалық бағыттағы Назарбаев Зияткерлік мектебімен бірлесіп  директордың тәрбие ісі жөніндегі орынбасарлары мен педагог-психологтарына арналған «Қашықтан оқыту кезінде ата-аналармен жұмыс жасаудың  тиімді әдістері»  тақырыбында облыстық вебинар  (zoom бейнебайланыс режимінде)  өткізілді, барлығы  143  педагог қатысты.

        Вебинар барысында әлеуметтік-психологиялық қызметте ата-аналармен қашықтан оқыту жағдайында жүргізілетін жұмыстардың ерекшеліктері мен  жұмыс бағыттарын жетілдіру бойынша ұсынымдар беріліп, жаңашыл идеяларымен  алмасып,  әдістемелік  көмек берілді.   

«Оқу сауаттылығындағы күрделі мәтіндердің шешімін табудың тиімді жолдары»  тақырыбында облыстық шеберлік сынып өтті

2021 жылдың 12 ақпанында  «Үздік педагог шеберханасы: Ізденіс. Тәжірибе. Нәтиже»  жобасының аясында «Үздік педагог-2019» байқауының жеңімпазы Байзақ ауданы, Ғ.Мұратбаев атындағы гимназияның қазақ тілі мен әдебиеті пәнінің мұғалімі Бақыт Жақсылыққызы Кудериеваның «Оқу сауаттылығындағы күрделі мәтіндердің шешімін табудың тиімді жолдары»  тақырыбында облыстық шеберлік сыныбы  өткізілді.

Іс-шара барысында Б.Ж.Кудериева «Менің жүрегімнің мектебі» бейнетаспасымен, педагогикалық портфолиосының мазмұны мен шығармашылық тақырыбы аясында жинақталған іс-тәжірибесімен бөлісті. Шеберлік сыныпта оқу сауаттылығындағы күрделі мәтіндердің шешімін табудың тиімді жолдарына, құрастыру ерекшеліктеріне, мәтіннің формасына, түсіну деңгейіне, тапсырма құрастыруда қолданылатын аспектілерге тоқталды.

Іс-шараға облыс аудандары мен Тараз қалалық білім бөлімдері мен облыстық білім басқармасына қарасты мекемелердің республикалық  «Үздік педагог» байқауының жеңімпаздары, әдістемелік кабинеттің меңгерушілері мен әдіскерлері, мектеп директорлары мен директордың ғылыми-әдістемелік, оқу ісі жөніндегі орынбасарлары, озық тәжірибелі педагогтар, жалпы 217 педагог қатысты.

Жамбыл облысы әкімдігі білім басқармасының оқу-әдістемелік кабинетінің ұйымдастыруымен «Ауыл мектебі» жобасына енген Байзақ ауданы Н.Ақшабаев атындағы орта мектебі, Жамбыл ауданы Б.Бесбаев атындағы мектеп-гимназиясының  қазақ тілі мен әдебиеті пәнінің мұғалімдері үшін 2021 жылдың 11 ақпанында «Педагог мәртебесі туралы заңы: мазмұны мен тәжірибесі» тақырыбында онлайн режимінде вебинар өтті.  

Іс-шара барысында 2019 жылдың 27 желтоқсанында қабылданған «Педагог мәртебесі туралы» Заңның негізінде бекітілген орта білім беру жүйесіне қатысты нормативті–құқықтық актілер мен білім беру ұйымдарында оқу-тәрбие процесін ұйымдастыру ерекшеліктері, білім беру ұйымдарында педагогтерді аттестаттау талаптары мен кезеңдері және инклюзивті білім беру жағдайында оқушылармен жүргізілетін жұмыс түрлерін анықтай отырып, тәжірибеге енгізу жолдары туралы                   ақпараттық –әдістемелік көмек берілді.

          Облыстық онлайн семинарға аудандар мен Тараз қалалық білім бөлімдерінен 14 педагог қатысты.