«BILIM FM мектеп радиосы» облыстық байқауы өтті

2019  жылдың  26 сәуір күні облыстық Н.Тілендиев атындағы мектеп-интернатының базасында Жамбыл облысы әкімдігі білім басқармасының оқу-әдістемелік кабинетінің ұйымдастыруымен  «Рухани жаңғыру» бағдарламасын жүзеге асыру  аясында  «BILIM FM мектеп радиосы» облыстық  байқауы өткізілді. Байқауға  білім беру  ұйымдарынан 50  оқушы қатысты.

         Мектеп радиолары - оқушылардың  туған өлке тарихына, мәдени, табиғи мұрасына деген қызығушылығын арттыру мен белсенді өмірге тәрбиелеуге бағытталған  және «Жаңа күн», «Туған өлке», «Сен білесің бе?», «Қазақ эпостары» бағдарламалары бойынша жұмыс жасайды.

          Байқау жеңімпаздары облыстық білім басқармасының арнайы дипломдарымен және алғыс хаттармен марапатталды.

Жамбыл облысында «TIMSS-2019 жаратылыстану-математикалық білім беру сапасының негізгі халықаралық зерттеуі» басталды.

Қазақстанда 4 және 8 сынып оқушыларының математика және жаратылыстану ғылымдары бойынша білім сапасын бағалау мақсатында  3 сәуір мен 15 мамыр аралығында TIMSS-2019 халықаралық зерттеуі өткізілуде.  Бұл зерттеуге әлем бойынша 64 мемлекет қатысуда. Ал Қазақстан бойынша 176 мектеп қатысады. Оның ішінде TIMSS-2019 халықаралық негізгі зерттеуіне Жамбыл облысынан 17 білім мекемесінен 828 (4 сын. – 411,   8 сын. – 417) оқушы қатысады.

26 сәуір күні Жамбыл облысындағы зерттеуді Тараз қаласындағы №24, №12 гимназиялар бастады. Зерттеу барысында математика-жаратылыстану бағыты бойынша оқушылардан тест тапсырмалары мен сауалнамалар және 4 сыныптың ата-аналарынан сауалнамалар алынды.  

«Нәтижеге бағытталған білім беру жағдайында мектеп кітапханасының жұмыс жүйесін жетілдіру» тақырыбында шеберлік-сынып  өтті.

Жамбыл облысы әкімдігі білім басқармасының оқу-әдістемелік кабинетінің  ұйымдастыруымен  2019 жылдың 26 сәуір  күні  дарынды ер балаларға арналған мамандандырылған «БІЛІМ-ИННОВАЦИЯ» мектеп-интернатының базасында  жалпы   білім беретін мектептердің   кітапхана    қызметкерлеріне арналған «Нәтижеге бағытталған білім беру жағдайында мектеп кітапханасының жұмыс жүйесін жетілдіру» тақырыбында шеберлік сынып  өткізілді.  

Іс-шараның мақсаты – жалпы білім беретін мектептердегі   кітапхана қызметкерлеріне  әдістемелік көмек көрсету,  тәжірибелік тұрғыда кәсіби шеберлігін арттыру  

Шеберлік сынып барысында «Буктрейлер», «Bookslam», «Book installation», «Keyword Hexaqon, ReadX жобалары, 100 кітап жобасы аясында  домино ойыны «Кім жылдам?», «Ойлан, тап», пікір сайыстар, танымдық ойындар, шеберлік сыныптар көрсетіліп, іс-тәжірибелермен алмасты.

Аталған іс-шараға 32 білім қызметкерлері қатысты.

«Качество знаний – главная задача обновленного содержания образования» тақырыбында облыстық семинар-практикум өтті

Жамбыл облысы әкімдігі білім басқармасының оқу-әдістемелік кабинетінің ұйымдастыруымен 2019 жылдың 26 сәуір күні  Тараз қаласы А.С.Пушкин атындағы №41 көпсалалы гимназиясының  базасында  «Качество знаний – главная задача обновленного содержания образования» тақырыбында бастауыш сынып мұғалімдеріне  арналған облыстық семинар-практикум өтті.

  Аталған  іс-шараға  55  педагог  қатысты.

  Іс-шара  барысында бастауыш сынып мұғалімдері  пәндерді оқытудағы  жаңа әдіс-тәсілдерді тиімді қолдану жолдары, жаңартылған оқу бағдарламасын іске асыру барысында саралау тәсілдері,  қалыптастырушы  бағалау  мен кері байланысты жүргізудің тиімді жолдары, сабақтағы оқушы рефлексиясы және сабақтан кейінгі мұғалімнің  рефлексиясы  бойынша   жұмыс түрлері  бойынша  тәжірибе алмасып, электронды таратпалы материалдармен қамтамасыз етілді.